گریٹر اقبال پارک میں بد سلوکی کا کیس ، عدالت کا عائشہ اکرام کو گرفتارکرنے کا حکم

گریٹر اقبال پارک میں بد سلوکی کا کیس ، عدالت کا عائشہ اکرام کو گرفتارکرنے کا ...
گریٹر اقبال پارک میں بد سلوکی کا کیس ، عدالت کا عائشہ اکرام کو گرفتارکرنے کا حکم

  

لاہور (ڈیلی پاکستان آن لائن) مینار پاکستان بدسلوکی کیس میں ایڈیشنل سیشن جج نے گزشتہ سماعت کا تحریری فیصلہ جاری کرتےہوئے  خاتون عائشہ اکرام کو گواہوں سمیت گرفتار کر کے پیش کرنے کا حکم دے دیا۔

نجی ٹی وی "جی این این" کے مطابق  عدالت نے   گواہ پیش نہ ہونے پر  عائشہ اکرام  کے وارنٹ گرفتاری جاری کئے اور متعلقہ ایس ایچ او کو عائشہ اکرام سمیت دیگر گواہوں کو گرفتار کرکے پیش کرنے کا حکم دیا۔  فیصلے میں کہا  گیاکہ  عدالت نے مدعیہ مقدمہ کو گواہوں سمیت پیش ہونے کا حکم دیا مگر کسی نے بھی عدالتی احکامات کو اہمیت نہیں دی لہٰذا وارنٹ گرفتاری جاری کرتے ہیں ، متعلقہ ایس ایچ اوز خاتون کو دیگر گواہوں سمیت گرفتار کر کے عدالت پیش کریں۔عدالت نے کیس کی سماعت5جنوری تک ملتوی کر دی ۔

خیال رہے کہ گزشتہ  ماہ عدالت نے مینار پاکستان  پر خاتون عائشہ اکرام سے بد سلوکی کےمقدمے میں ملزمان پر فرد جرم عائد کی تھی تاہم ملزمان نے صحت جرم سے انکارکر دیا تھا۔

 

مزید :

تفریح -