کراچی کنگز نے ٹیم سے نکال کر غلطی کی ؟ محمد عامر نے دبئی میں جاری ٹی 10 لیگ میں اپنی باؤلنگ سے تباہی مچا دی 

کراچی کنگز نے ٹیم سے نکال کر غلطی کی ؟ محمد عامر نے دبئی میں جاری ٹی 10 لیگ میں ...
کراچی کنگز نے ٹیم سے نکال کر غلطی کی ؟ محمد عامر نے دبئی میں جاری ٹی 10 لیگ میں اپنی باؤلنگ سے تباہی مچا دی 

  IOS Dailypakistan app Android Dailypakistan app

 ابو ظہبی (ڈیلی پاکستان آن لائن )قومی کرکٹ ٹیم کے سابق فاسٹ باؤلر محمد عامر نے دبئی میں جاری ٹی 10 لیگ میں ایک مرتبہ پھر سے یہ ثابت کر دیاہے کہ وہ دنیا کے بہترین باؤلرز میں سے ایک ہیں ، لیگ کے دوران انہوں نے مخالف ٹیم ’چنئی بریوز‘‘کی بیٹنگ لائن کی دھجیاں اڑا کر رکھ دیں اور ٹیم کو فتح یاب کروانے میں اہم کردارا دا کیا جس کی تعریفیں بھارتی میڈیا بھی کرنے پر مجبور ہو گیاہے ۔

تفصیلات کے مطابق محمد عامر دبئی میں جاری ٹی 10 لیگ میں ’’ نیویارک سٹرائیکرز‘‘ کی نمائندگی کر رہے ہیں اور گزشتہ روز ابوظہبی کے زید کرکٹ سٹیڈیم میں کھیلے جانے والے میچ میں محمد عامر نے اپنی بہترین پرفارمنس دیتے ہوئے مخالف ٹیم چنئی بریوز کی 2اوورز میں محض 7 رنز دیتے ہوئے 4 وکٹیں گرائیں اور ٹیم کو صرف 75 رنز پر محدود کر دیا جس نےنیویارک سٹرائیکرز کی جیت کو مزید آسان بنا دیا ۔

ویڈیو دیکھیں:

9ba8d120cb36b91295b9c176c5fa1769

نیویارک سٹرائیکرز نے ہدف کےتعاقب میں بیٹنگ کا آغاز کیا تو  آغاز میں 30 رنز پر 3 وکٹیں گنوا دیں لیکن پھر آصف علی کی شاندار بٹینگ کی بدولت چنئی بریورز کو شکست دینے میں کامیاب ہوئے، انہوں نے 23 رنز کی ناقابل شکست اننگ کھیلی ۔چنئی بریورز کی جانب سے سیم کک اور جنید نے 2,2و کٹیں حاصل کیں لیکن ان کی کوشش انہیں جیت نہیں دلا سکی ۔

اس سے قبل نیوریارک سٹرائیکرز نے ٹاس جیت کر باؤلنگ کا فیصلہ کیا تھا جو کہ درست ثابت ہوا۔

مزید :

کھیل -