ینگ ڈاکٹرز نے سندھ بھر میں بدھ سے مکمل ہڑتال کا اعلان کردیا

ینگ ڈاکٹرز نے سندھ بھر میں بدھ سے مکمل ہڑتال کا اعلان کردیا
ینگ ڈاکٹرز نے سندھ بھر میں بدھ سے مکمل ہڑتال کا اعلان کردیا

  

کراچی(ڈیلی پاکستان آن لائن)ینگ ڈاکٹرز نے تنخواہوں میں اضافے سے متعلق نوٹیفکیشن جاری نہ کرنے پر سندھ بھر میں بدھ سے مکمل ہڑتال کا اعلان کر دیا ۔

جناح ہسپتال میں سندھ ڈاکٹرز جوائنٹ ایکشن کمیٹی نے پریس کانفرنس کرتے ہوئے چیئرمین وائی ڈی اے ڈاکٹر عمر سلطان نے کہا کہ ہم سے وعدہ کیا گیا تھا کہ 7 روز میں تنخواہوں میں اضافے کا نوٹیفیکیشن جاری کریں گے تاہم 11 دن گزرنے کے باوجود نوٹیفکیشن جاری نہیں کیا گیا، اگرکوئی تاخیر ہے تو آگاہ کیا جائے لیکن ہمیں شک ہے کہ حکومت نوٹیفکیشن جاری کرنا نہیں چاہتی۔ڈاکٹر عمر سلطان نے کہا کہ حکومت کو 2 دن کی مزید مہلت دی ہے اگر 2 دن میں نوٹیفکیشن جاری نہ ہوا تو بدھ سے او پی ڈی اور آپریشن تھٹر بند کردیں گے، صوبے بھر میں بدھ سے تمام ڈاکٹرز ہڑتال پر جائیں گے اور صرف ایمرجنسی چلے گی اس کے سوا کچھ نہیں چلے گا۔ڈاکٹر عمر سلطان نے کہا کہ سندھ حکومت نے اپنے وعدوں پر عملدرآمد نہیں کیا، سمری وزیر اعلی ہاوس میں موجود ہے اس لیے دو دن کاوقت دیاہے۔

مزید : علاقائی /سندھ /کراچی