نازیبا ویڈیو لیک کرنے والوں کیخلاف کارروائی کی درخواست پرایف آئی اے نے کیا کہا؟رابی پیرزادہ نے نیاانکشاف کردیا

نازیبا ویڈیو لیک کرنے والوں کیخلاف کارروائی کی درخواست پرایف آئی اے نے کیا ...
نازیبا ویڈیو لیک کرنے والوں کیخلاف کارروائی کی درخواست پرایف آئی اے نے کیا کہا؟رابی پیرزادہ نے نیاانکشاف کردیا

  



لاہور(ڈیلی پاکستان آن لائن)سابق معروف گلوکارہ رابی پیرزادہ نے انکشاف کیاہے کہ جب انہوں نے نازیباویڈیولیک کرنے والوں کیخلاف کارروائی کیلئے ایف آئی اے کو درخواست کی تو ایف آئی اے والوں نے ان کی ویڈیوز لیک کرنے والوں کا سراغ لگا لیاتھا تاہم جان کو خطرہ ہونے کے باعث انہوں نے کوئی ایکشن نہیں لیا۔

امریکی نشریاتی ادارے وائس آف امریکا کو دیے ایک انٹرویو میں رابی پیرزادہ نے انکشاف کیا کہ ایف ائی اے والوں نے نازیبا ویڈیو لیک کرنے والوں کا پتا لگالیا تھا تاہم انہیں بتایا گیا کہ ان کے خلاف کارروائی کرنے سے ان کی جان کو خطرہ ہوسکتا ہے اس لئے انہوں نے اس پر کوئی ایکشن نہیں لیا۔

رابی پیرزادہ کا کہنا تھا کہ ’میں نے اپنا معاملہ اللہ پر چھوڑ دیا ہے وہی بہتر فیصلہ کرے گا‘۔

View this post on Instagram

سابق گلوکارہ رابی پیرزادہ نے کہا ہے کہ ایف آئی اے نے اُن کی نازیبا ویڈیوز وائرل کرنے والوں کا سراغ لگا لیا تھا لیکن پھر انہیں کہا گیا کہ ملزمان کے خلاف کارروائی سے ان کی جان خطرے میں پڑ سکتی ہے۔ ان کے بقول وہ یہ معاملہ اللہ کی عدالت پر چھوڑتی ہیں۔ شوبز انڈسٹری چھوڑنے کے بعد رابی کا پہلا انٹرویو #Showbiz #RabiPirzada #UrduVOA

A post shared by VOA Urdu (@urduvoa) on

شوبز کو خیرباد کہنے کے حوالے سے رابی پیرزادہ کا کہنا تھا کہ ’شوبز میرے لیے ختم ہوچکا ہے، جو آفرز میں نے ان چار مہینوں میں ٹھکرائیں ہیں اس کے بعد تو لوگ مجھے ویسے ہی پاگل سمجھنے لگے ہیں‘۔

پاکستان کی معروف گلوکارہ و اداکارہ رابی پیرزادہ کی گزشتہ سال سوشل میڈیا پر نازیبا ویڈیوز لیک ہونے کے بعد انہوں نے شوبز کو ہمیشہ کے لیے خیرباد کہہ دیا تھا جس کے بعد انہوں نے اسلامی تعلیمات پر عمل کرتے ہوئے زندگی گزارنے کا اعلان کیا۔

خیال رہے کہ گزشتہ سال اپنی ذاتی تصاویر اور ویڈیوز لیک ہونے کے بعد اداکارہ نے جہاں شوبز چھوڑنے کا اعلان کیا تھا، وہیں انہوں نے کچھ انٹرویوز میں یہ بھی کہا تھا کہ ان کی جانب سے مقبوضہ کشمیر پر بات کیے جانے کی وجہ سے ان کی ویڈیوز لیک کی گئیں۔

رابی پیرزادہ ویڈیوز لیک ہونے سے قبل چند ماہ سے مقبوضہ کشمیر سے متعلق سوشل میڈیا پر متحرک تھیں اور بھارت کی جانب سے وادی کشمیر کی خصوصی حیثیت ختم کیے جانے پر انڈیا پر سخت تنقید کرتی آ رہی تھیں۔

مزید : تفریح