معین خان کے بیٹے نے کس پاکستانی اداکارہ سے شادی کر لی؟ تفصیلات سامنے آ گئیں
لاہور (ڈیلی پاکستان آن لائن) پاکستان کرکٹ ٹیم کے سابق کپتان اور وکٹ کیپر بلے باز معین خان کے بیٹے اویس خان نے پاکستانی اداکارہ مریم انصاری کیساتھ شادی کر لی ہے۔
تفصیلات کے مطابق پاکستانی شوبز کے ابھرتے ہوئے نوجوان اداکار علی انصاری کی ہمشیرہ اور اداکارہ مریم انصاری معین خان کے بڑے بیٹے اویس خان کیساتھ شادی کے بندھن میں بندھ گئی ہیں۔
نکاح کی تقریب میں وائرل ہونے والی تصویروں میں دیکھا جاسکتا ہے کہ مریم انصاری نے اپنے نکاح کے دن گولڈن رنگ کا خوبصورت عروسی لباس زیب تن کیا جبکہ ان کے شوہر اویس نے بھی اہلیہ کے لباس سے ملتی جلتی شیروانی پہنی۔
View this post on Instagram
دوسری جانب پاکستان کے لیجنڈری کرکٹر اور سابق وکٹ کیپر معین خان نے اپنی بہو رانی مریم انصاری کو خوش آمد کہا ہے۔ معین خان نے اپنے آفیشل انسٹاگرام اکاؤنٹ پر اپنے بڑے بیٹے اویس خان اور ان کی اہلیہ و اداکارہ مریم انصاری کے نکاح کی تقریب کی دلکش تصویر شیئر کی ہے۔
مذکورہ تصویر میں مریم انصاری گولڈن رنگ کے خوبصورت عروسی لباس میں ملبوس اپنے شوہر کے ہمراہ سٹیج پر بیٹھی ہیں۔ معین خان نے اس خوبصورت تصویر کے کیپشن میں اپنی بہو رانی سے مخاطب ہوکر لکھا کہ ’مریم آپ کو خان فیملی میں خوش آمدید۔‘
View this post on Instagram
واضح رہے کہ پاکستان ڈرامہ انڈسٹری کی خوبرو اداکارہ مریم انصاری اور لیجنڈری کرکٹر معین خان کے بیٹے اویس خان کے نکاح کی تقریب دو روز قبل منعقد کی گئی تھی جس کی تصویریں سوشل میڈیا پر وائرل ہوئیں۔ مریم انصاری نوجوان اداکار علی انصاری کی بہن ہیں، علی انصاری نے جیو انٹرٹینمنٹ کے مقبول ترین ڈراموں میں اپنی اداکاری کے جوہر دکھائے ہیں جبکہ ان کی بہن مریم انصاری بھی کئی ڈراموں میں کام کرچکی ہیں۔
