ڈپٹی کمشنر ضلع وسطی طحہٰ سلیم غیرقانونی کلینکس کے خلاف سرگرمِ عمل
کراچی (اسٹاف رپورٹر) ڈپٹی کمشنر ضلع وسطی طحہٰ سلیم کی ہدایت پر ضلع وسطی میں غیر مستند ڈاکٹرز و غیر معیاری کلینکس کے خلاف مسلسل کاروائیاں جاری ہیں ضلع وسطی کے باشندگان کو نہ صرف کرونا بلکہ دیگر بیماریوں سے بچانے کے لئے فوری طور پر اہم اقدامات کئے جارہے ہیں ڈپٹی کمشنر طحہٰ سلیم نے ضلع وسطی کے تمام اسٹنٹ کمشنرز،مختیار کاروں،ہلیتھ افسران کو ہدایت جاری کیں کہ ضلع وسطی میں عوام کی صحت کو کسی بھی صورت میں خطرے میں ڈالنے کی اجازت نہیں دی جائے گی۔اس سلسلے میں ضلع وسطی تمام اسسٹنٹ کمشنرز اپنے اپنے سب ڈویژن میں غیر مستند / خودساختہ ڈاکٹروں کے علاوہ غیر معیاری ہسپتال، کلینکس سمیت کرونا SPOs پر عمل نہ کرنے والوں کے خلاف مسلسل کراوئیاں کر رہے ہیں۔اس سلسلے میں آج اسٹنٹ کمشنر نیو کراچی ریاض احمد شیخ نے سندھ ہیلتھ کیئر کمیشن کی انچارج کوکیری سمیت ڈاکٹروں کی ٹیم کے ہمراہ یونین کمیٹی نمبر 14 نیوکراچی میں قائم میڈیکل اسٹور،ہسپتالوں کاتفصیلی دورہ کیا اور ہسپتالوں میں صفائی ستھرائی اور کووڈ کے خلاف ایس او پیز کی مجموعی صورتحال کا جائزہ لیا جبکہ ہسپتال و کلینکس کی انتظامیہ سے ڈیوٹی پر موجود ڈاکٹرز اور پیرا میڈیکل اسٹاف کی اسناد اور ہسپتال کی رجسٹریشن کی دستاویزات کے بارے میں تفصیلات طلب کیں جن ہسپتال، کلینکس پر متعلقہ اسناد و دستاویزات دستیاب نہ ہوسکی اور جن ڈاکڑز کے پاس میڈیکل پریکٹس کے لائسینس دستیاب نہ ہوسکے ایسے تمام ہسپتال و کلینکس کو سیل کردیا گیا اسسٹنٹ کمشنرنیو کراچی کی سربراہی میں سندھ ہیلتھ کیئر کمشن کی ٹیم نے یونین کمیٹی 14 نیو کراچی میں مسلم کلینک،منہاج کلینک اور نورانی میڈیکل سینٹر کو سیل کردیا۔جبکہ معراج ہیلتھ کیئر کلینک،بسمہ اللہ میڈیکل سینٹر اور اختر کلینک کو تنبیہ کردی گئی جبکہ ڈاکٹرز و پیرا میڈیکل اسٹاف کو کام کرنے سے روک دیا گیاجبکہ ایسے ہسپتال و کلینکس کو بھی سیل کیا گیاجہاں کرونا کے خلاف SOPs اور صفائی ستھرائی کے اقدامات غیر معیاری تھے۔ ایسے میڈیکل سینٹر کو سیل کردیا گیا ۔سیل کردہ ہسپتال و کلینکس کی انتظامیہ اور ڈاکٹرز حضرات کو مقررہ وقت کے اندر تمام متعلقہ دستاویزات اور اسناد پیش کرنے کی ہدایت کی گئی ہے
