آئی سی سی نے ون ڈے پلیئرز کی نئی رینکنگ جاری کر دی ، بلے بازوں میں بابر اعظم بدستور ٹاپ پوزیشن پر براجمان
دبئی ( ڈیلی پاکستان آن لائن ) انٹرنیشنل کرکٹ کاؤنسل ( آئی سی سی ) نے ون ڈے پلیئرز کی نئی رینکنگ جاری کر دی ، پاکستانی ٹیم کے کپتان بابر اعظم بدستور پہلی پوزیشن پر براجمان ہیں ۔
آئی سی سی کی جاری کردہ رینکنگ میں پہلے 8 کھلاڑی اپنی پوزیشن پر ہی رہے جبکہ فخر زمان ایک درجہ ترقی پا کر 10ویں سے نویں جبکہ جوئے روٹ 11 ہویں سے 10ویں پوزیشن پر آگئے ۔ نویں پوزیشن پر براجمان شائے ہوپ دو درجے تنزلی کے بعد ٹاپ 10 سے باہر نکل کر گیارہویں پوزیشن پر آگئے ۔
آئی سی سی کی رینکنگ کے بھارت کے سابق کپتان ویرات کوہلی دوسری ، روہت شرما تیسری ، جنوبی افریقہ کے کوانٹن ڈی کک چوتھی ، آسٹریلیا کے ارون فنچ پانچویں ، انگلینڈ کے جونی برسٹوو چھٹی ، آسٹریلیا کے ڈیوڈ وارنر ساتویں اور جنوبی افریقہ کے رئیسی وینڈر ڈیسن آٹھویں پوزیشن پر ہیں ۔
