ڈاکٹر فاروق ستار کے ضمنی الیکشن کیلئے کاغذات جمع

کراچی (این این آئی)متحدہ قومی موومنٹ (ایم کیو ایم)پاکستان کے رہنما ڈاکٹر فاروق ستار کے ضمنی الیکشن کے لیے کاغذات جمع ہو گئے۔ڈاکٹر فاروق ستار نے ضمنی الیکشن این اے 252کےلئے کاغذات جمع کرا دئیے ہیں۔کاغذات نامزدگی جمع کرانے کے بعد میڈیا سے گفتگو کرتے ہوئے ڈاکٹر فاروق ستار نے کہاکہ پی ٹی آئی کے سربراہ ہر جگہ سے فارم جمع کرواتے تھے اس دفعہ کہیں سے نہیں کروا رہے۔انہوں نے کہا کہ یہ انتخابات اس ایم کیو ایم کے فورم سے لڑ رہے جو سلجھے ہوئے لوگوں کا ہے، یہ ایک مختلف ایم کیو ایم ہے، اصلاحات کا عمل جاری ہے۔فاروق ستار نے کہا کہ یہ ماضی سے مختلف ایم کیو ایم ہے، ہر مذہب اور ہر زبان بولنے والے شہریوں کو پارٹی میں آنے کی دعوت دیتے ہیں۔
فاروق ستار