اے پی سی کا التواءحکومت کی ناکامی ‘ لیاقت بلوچ 

 
ملتان ( سٹی رپورٹر )نائب امیر جماعتِ اسلامی، مجلسِ قائمہ سیاسی قومی امور کے صدر لیاقت بلوچ نے وزیراعظم میاں شہباز شریف کی جانب سے بلوائی گئی آل پارٹیز کانفرنس کے التوا کو اتحادی حکومت کی ناکامی قرار دیتے ہوئے کہا کہ سانحہ پشاور کو کئی دِن گزر گئے لیکن حکومت قومی ایکشن پلان پر عملدرآمد کے لیے کوئی متفقہ مقف اختیار نہیں کرسکی، حکمران اقتدار اور (بقیہ نمبر2صفحہ6پر )
وزارتیں انجوائے کررہے ہیں؛ قومی ترجیحات، غریب عوام، ملازمت پیشہ پنشنرز، زراعت، تجارت اور صنعت کی تباہی کے سدباب کے لیے کوئی درد اور احساس نہیں۔ ماضی کے حکمرانوں کی طرح نئے لباس کے ساتھ اتحادی حکومت نے بھی ملک تباہی کے دھانے پر لاکھڑا کیا ہے۔ ایٹمی صلاحیت کے حامل ملک کے لیے ایسا طرزِ حکمرانی سیکیورٹی رسک ہے۔ سیاسی، اقتصادی، آئینی اور انتخابی بحرانوں سے نکلنے کے لیے سیاسی قیادت کو قومی ڈائیلاگ کے ذریعے جمہوریت، آئین اور انتخابی عمل کو محفوظ بنانا ہوگا۔لیاقت بلوچ نے پشاور خیبرپختونخوا کے دو روزہ دورہ میں صوبائی، سیاسی، انتخابی کمیٹی سے خطاب کرتے ہوئے کہا کہ سانحہ پشاور بہت اندوہناک اور لرزہ خیز واقعہ ہے۔ خیبرپختونخوا اور پورے ملک میں فرنٹ لائن پر پولیس افسران اور جوانوں کی قربانیاں عوامی محاذ پر قابلِ فخر ہیں۔ پوری قوم سانحہ پشاور کے متاثرہ خاندانوں اور پولیس ادارہ سے تعزیت اور غم کا اظہار کررہی ہے۔ دہشت گردی کے مقابلہ میں شہید اور زخمی ہونے والے پولیس اہلکاروں کے ساتھ مالی تعاون میں امتیاز ختم کیا جائے اور تمام شہدا اور زخمی اہلکاروں کو شہدا پیکج کے مطابق امداد دی جائے۔
لیاقت بلوچ