عمران صاحب ہی بتائیں گے جیلیں کیسے بھرنی ہیں، نواز شریف 

لندن (این این آئی)پاکستان مسلم لیگ (ن) کے قائد نواز شریف نے پاکستان تحریک انصاف کے چیئرمین عمران خان کی جیل بھرو تحریک پر ردعمل دیتے ہوئے کہا ہے کہ عمران صاحب ہی بتائیں گے جیلیں کیسے بھرنی ہیں۔تفصیلات کے مطابق گزشتہ دنوں سابق وزیراعظم عمران خان نے جیل بھرو تحریک کا اعلان کیا تھا۔اپنے خطاب میں عمران خان نے کہا تھا کہ ہمارے پاس دو راستے ہیں، ایک ملک گیر پہیہ جام ہڑتال ہے، معیشت کی ایسی حالت ہے کہ پہیہ جام ہڑتال سے حالات مزید خراب ہوں گے، کارکنوں کو کہتا ہوں کہ جیل بھرو تحریک کی تیاری کریں، میرے سگنل کا انتظار کریں، جیل بھرو تحریک کی کال دونگاتاہم لندن میں جب صحافیوں نے عمران خان کی جیل بھرو تحریک کے با ر ے میں نواز شریف سے سوال کیا تو انہوں نے جواب دیا عمران صاحب ہی بتائیں گے جیلیں کیسے بھرنی ہیں۔واضح رہے گزشتہ روز  عمرا ن خان نے جیل بھرو تحریک کے معاملے پر قانونی ماہرین کی رائے طلب کی۔ذرائع کے مطابق آئینی ماہرین کی رائیکے ذریعے جیل بھرو تحریک کے حوالے سے فیصلہ کیا جائیگا، ماہرین سے تحریک کے آغاز اور گرفتاریوں کے طریقہ کار پر تبادلہ خیال کیا جائیگا۔
نواز شریف