پولی کلینک ہسپتال میں سی ٹی سکین مشین نصب کر دی، عبد القادر پٹیل

 اسلام آباد (این این آئی)وفاقی دارالحکومت کے پولی کلینک ہسپتال میں سی ٹی سکین نصب کر دی گئی۔ وفاقی وزیر صحت عبد القادر پٹیل نے کہاکہ پولی کلینک ہسپتال کے ریڈیالوجی ڈیپارٹمنٹ میں 128 سلائس سی ٹی سکین نصب کر دی گئی ہے۔وفاقی وزیر نے کہاکہ سٹیٹ آف آرٹ تھری ڈی میمو گرافی مشین بھی انسٹال کر دی ہے۔عبدالقادر پٹیل نے کہاکہ سٹیٹ آف آرٹ مشین کی وجہ سے کینسر کے تشخیصی نظام میں بہت بہتری آئے گی۔ وفاقی وزیر نے کہاکہ چھاتی کے کینسر کی سکریننگ کی کمی پوری کر دی ہے۔ وفاقی وزیرنے کہاکہ حکومت جاپان کی مدد سے  1.5 ٹیسلا ایم آر آئی سکینر کی تنصیب کو جلد ممکن بنارہے ہیں۔ عبد القادر پٹیل نے کہاکہ پولی کلینک ہسپتال کی توسیع کا کام تین سال کے اندر مکمل ہو جائے گا۔ انہوں نے کہاکہ پمز اور پولی کلینک ہسپتال میں مریضوں کا بہت رش ہے۔ وفاقی وزیر نے کہا کہ پولی کلینک ہسپتال سالانہ 40 لاکھ سے زیادہ مریضوں کو مفت طبی سہولیات کی فراہمی کو یقینی بنارہا ہے۔
عبد القادر پٹیل