"دی کشمیر فائلز ایک احمقانہ فلم ہے، انٹرنیشنل جیوری نے اس فلم پر تھوکا بھی نہیں "، پرکاش راج

ممبئی(ویب ڈیسک) بالی ووڈ فلموں میں ولن اور باپ  کا کردار نبھانے والے مشہور اداکار پرکاش راج نے "دی کشمیر فائلز " کو احمقانہ فلم قرار دیتے ہوئے کہا کہ  "انٹرنیشنل جیوری نے اس فلم پر تھوکا بھی نہیں لیکن اس کے بنانے والوں کو ابھی تک شرم نہیں آئی"۔

این ڈی ٹی وی نیوز  کے مطابق ایک تقریب میں میڈیا سے بات کرتے  پرکاش راج نے فلم" پٹھان" کی تعریف کرتے ہوئے کہا کہ" یہ چاہتے تھے" پٹھان" کو بائیکاٹ  کیا جائے لیکن اس نے 700 کروڑ سے زائد کا بزنس کیا "۔انہوں نے  دوسری بھارتی فلم "دی کشمیر فائلز "کے ہدایتکار کو آڑے ہاتھوں لیتے ہوئے کہا ہے کہ" دی کشمیر فائلز احمقانہ فلموں میں سے ایک ہے لیکن ہمیں معلوم ہے کہ اسے کس نے پروڈیوس کیا  ہے۔ انٹرنیشنل جیوری نے اس فلم پر تھوکا بھی نہیں لیکن اس کے بنانے والوں کو ابھی تک شرم نہیں آئی۔ فلم کا ہدایتکار چیخ رہا ہے کہ مجھے آسکر ایوارڈ کیوں نہیں مل رہا؟"پرکاش راج نے" دی کشمیر فائلز "پر تنقید کرتے ہوئےکہا کہ " انہیں معلوم ہوا ہے کہ صرف ایسی فلمیں بنانے کے لیے2 ہزار کروڑ روپے مختص کیے گئے ہیں. میڈیا بہت حساس ہے آپ یہاں پروپیگنڈا فلمیں بنا سکتے ہیں۔ لیکن یہ لوگ چاہے کچھ بھی کر لیں ہر وقت لوگوں کو بےوقوف نہیں بنا سکتے"۔پرکاش راج کے اس بیان کی ویڈیو سوشل میڈیا پر وائرل ہو رہی ہے جس پر انتہا پسند ہندوؤں کی جانب سے شدید ردِعمل سامنے آرہا ہے۔

Prakash Raj's brutal take on Pathaan Boycott as well as the Propaganda Kashmir Files. ???????????? pic.twitter.com/wAsQhjWcP9

— Drunk Journalist (@drunkJournalist) February 7, 2023

 یاد رہے کہ"دی کشمیر فائلز"  کی کہانی مقبوضہ کشمیر سے ہندو پنڈتوں کی ہجرت کے گرد گھومتی ہے۔ اس فلم کو انتہا پسند ہندوؤں کی جانب سے بھرپور پذیرائی ملی اور یہی وجہ ہے کہ فلم بلاک بسٹر  ثابت ہوئی۔53ویں انٹرنیشنل فلم فیسٹیول آف انڈیا میں اس فلم کو اسرائیلی فلم میکر ناڈو لاپیڈ نے بھی پروپیگنڈا فلم قرار دیا تھا  جبکہ پاکستان کی جانب سے بھی اس فلم پر  تنقید کی گئی تھی۔2022 میں ریلیز ہونے والی اس  فلم میں انوپم کھیر، پلاوی جوشی، درشن کمار اور بھاشا سنبلی نے مرکزی کردار ادا کئے ہیں۔