شیخ رشید کو 14 دن کے جوڈیشل ریمانڈ پر جیل بھیج دیاگیا
مری (ڈیلی پاکستان آن لائن)عدالت نے مری پولیس کی 3 روزہ جسمانی ریمانڈ کی استدعا کو مسترد کرتے ہوئے شیخ رشید کو 14 دن کے جوڈیشل ریمانڈ پر جیل بھیج دیا گیا۔
نجی ٹی وی چینل دنیا نیوز کے مطابق شیخ رشید کیخلاف تھانہ مری میں مقدمہ درج تھا، گزشتہ روز اسلام آباد کی مقامی عدالت نے ایک روزہ راہداری ریمانڈ پر مری پولیس کے حوالے کیا تھا۔
مری پولیس نے شیخ رشید کوسول کورٹ میں پیش کیا اور 3 روزہ جسمانی ریمانڈ کی استدعا کی تھی،مری پولیس کی جانب سے استدعا کی گئی تھی کہ شیخ رشید سے مقدمے سے متعلق تفتیش کرنی ہے اور کچھ ریکوریز کرنی ہیں ،درخواست میں استدعا کی گئی کہ شیخ رشید کو 3 روزہ جسمانی ریمانڈ پر پولیس کے حوالے کیا جائے ، عدالت نے مری پولیس کی جسمانی ریمانڈ کی استدعا مسترد کرتے ہوئے شیخ رشید کو 14 دن کے جوڈیشل ریمانڈ پر جیل بھیج دیا ۔
