اسلام آباد(ڈیلی پاکستان آن لائن) سپریم کورٹ میں آئندہ ہفتے مقدمات کی سماعت کیلئے 6 ریگولر بنچز تشکیل دے دیئے گئے۔
نجی ٹی وی چینل دنیا نیوز کے مطابق بنچ نمبر ایک چیف جسٹس یحییٰ خان آفریدی اور جسٹس شاہد وحید اور بنچ نمبر دو جسٹس منصور علی شاہ اور جسٹس عقیل احمد عباسی پر مشتمل ہے۔
بنچ نمبر 3 جسٹس منیب اختر اور جسٹس عائشہ ملک جبکہ بنچ نمبر 4 جسٹس اطہر من اللہ، جسٹس عرفان سعادت اور جسٹس ملک شہزاد پر مشتمل ہو گا۔
بنچ نمبر 5 جسٹس شاہد وحید، جسٹس نعیم اختر افغان اور جسٹس شاہد بلال اور بنچ نمبر 6 جسٹس سردار طارق مسعود اور جسٹس مظہر عالم میاں خیل پر مشتمل ہو گا۔
جسٹس امین الدین خان کی سربراہی میں سات رکنی آئینی بنچ 4 روز فوجی عدالتوں سے متعلق سماعت کرے گا۔