امریکی صدر ڈونلڈ ٹرمپ کا امریکی کرکٹ ٹیم کے لیے پیغام
واشنگٹن(ڈیلی پاکستان آن لائن)بھارت میں جاری آئی سی سی ٹی ٹوئنٹی ورلڈکپ 2026 میں امریکی صدر ڈونلڈ ٹرمپ نے امریکی کرکٹ ٹیم کے لیے نیک خواہشات کا اظہار کیا ہے۔اپنے سوشل میڈیا پلیٹ فارم ٹروتھ سوشل پر جاری بیان میں ٹرمپ نے کہا کہ مجھے معلوم ہوا ہے کہ بھارت میں کرکٹ ورلڈ کپ جاری ہے۔
ٹرمپ نے مزید کہا کہ ’میں ٹیم یو ایس اے کے لیے نیک تمناؤں کا اظہار کرتا ہوں۔ ہماری ٹیم بہت مضبوط ہے۔ امریکہ آپ کے ساتھ ہے‘۔خیال رہے کہ ٹی ٹوئنٹی ورلڈ کپ میں امریکی ٹیم کا پہلا میچ گزشتہ روز بھارت کے ساتھ ہوا جس میں بھارت نے امریکہ کو شکست دے دی۔گروپ اے کے میچ میں بھارت کے 162 رنز کے ہدف کے تعاقب میں امریکا کی ٹیم مقررہ 20 اوورز میں 8 وکٹوں پر 132 رنز بناسکی۔ممبئی میں کھیلے گئے میچ میں امریکہ نے ٹاس جیت کر بولنگ کا فیصلہ کیا اور بھارتی ٹیم نے مقررہ 20 اوورز میں 9 وکٹوں پر 161 رنز بنائے تھے۔
