سائنس فکشن فلم آنٹ مین کا ٹریلر جاری

سائنس فکشن فلم آنٹ مین کا ٹریلر جاری

  



ہالی ووڈ(آئی این پی)سائنس فکشن فلم آنٹ مین کا ٹریلر جاری کر دیا گیا ۔ذہین سائنسدان کے غیر معمولی کارنامے لیے ہالی ووڈ کی نئی سائنس فکشن فلم ا?نٹ مین کا پہلا ٹریلر جاری ہوگیا ہے، ہدایت کار پیٹون ریڈ کی اس سنسنی خیز فلم کی کہانی ایک نہایت ذہین سائنسدان کے گِرد گھوم رہی ہے۔ جوایسا مادہ تیار کرتا ہے، جس کے استعمال کے بعد نہایت آسانی سے جسمانی حجم میں تبدیلی ممکن ہو جاتی ہے۔اسی مادے کی بدولت غیر معمولی صلاحیتوں کا مالک آنٹ مین دشمنوں سے مقابلے کیلئے میدان میں آتا ہے اور ایک ایک کرتے ہوئے اپنے تمام دشمنوں کو کچل ڈالتا ہے۔فلم میں مرکزی کردارہالی وڈ اداکارپال روڈ نبھا رہے ہیں جن کے علاوہ فلم کی دیگر کاسٹ میں ایوینجلین لِلی، مائیکل ڈوگلس، جورڈی مولا، مائیکل پینا، وڈ ہیرس، ہیلے ایٹ ویل اورجوڈی گریئر شامل ہیں۔امید کی جا رہی ہے کہ نت نئے کارنامے انجام دینے والے کرداروں کے ساتھ بنی یہ فلم سائنس فکشن کے شوقین شائقین کی بھر پور توجہ کا مرکز ہوگی ، یہ فلم سترہ جولائی کو ریلیز کر دی جائے گی۔

مزید : کلچر


loading...