نیپالی پارلیمنٹ کے ایوان بالا کے انتخابات 8 فروری کو ہونگے

نیپالی پارلیمنٹ کے ایوان بالا کے انتخابات 8 فروری کو ہونگے

کھٹمنڈو (اے پی پی) نیپالی پارلیمنٹ کے ایوان بالا کے انتخابات آئندہ ماہ ہونگے۔ نیپال کے ذرائع ابلاغ کے مطابق الیکشن کمیشن کے حکام نے پیر کو بتایا کہ وفاقی پارلیمنٹ کے ایوان بالا کے الیکشن 8 فروری کو کرائے جائیں گے۔ اس سلسلے میں وزارتی کونسل کا ہنگامی اجلاس وزیر اعظم شیر بہادر دیوبا کی صدارت میں منعقد ہوا جس میں الیکشن کمیشن کی سفارشات کی روشنی میں ایوان بالا کے انتخابات آئندہ ماہ کرانے کا حتمی فیصلہ کیا گیا۔ اس سے قبل نیپال کی صدر بدیا دیوی بھنڈاری نے نیشنل اسمبلی ایکٹ کی منظوری دی تھی جس سے ان انتخابات کی راہ ہموار ہوگئی ہے۔ وفاقی پارلیمنٹ کے ایوان بالا کے اراکین کی تعداد59 ہے جن میں سے 56 کا انتخاب ملک کے تمام سات صوبوں کے اراکین اسمبلی کریں گے جبکہ 3 کا انتخاب حکومت کی سفارش پر صدر کریں گی۔

مزید : عالمی منظر