ڈیمانڈ ، سپلائی کا ڈیٹا تیار ، اشیاء خوردونوش کیلئے قانون سازی کی جائے

ڈیمانڈ ، سپلائی کا ڈیٹا تیار ، اشیاء خوردونوش کیلئے قانون سازی کی جائے

  IOS Dailypakistan app Android Dailypakistan app

ملک کے معروف مینوفیکچرنگ ٹیکنالوجسٹ اور چیف ایگزیکٹو آفیسر ڈریپ ڈاکٹر اسلم افغانی نے کہا ہے کہ مارکیٹ میں غیر معیاری اور مضر صحت ڈبے کے دودھ اور مصنوعی دودھ کی روک تھام کیلئے دودھ کی ڈیمانڈ اور سپلائی کو دیکھنا ہو گا اور اس کیلئے ایسے لوگ جو مصنوعی دودھ بنا کر مارکیٹ میں فروخت کررہے ہیں ان کیلئے ریگولیشن رجسٹریشن اور لائسنسنگ کا نظام وضع کرنا ہو گا جس کیساتھ ساتھ پانی اور تیل کے ملاپ سے دودھ تیار کرنیو الوں کیلئے باقاعدہ طور پر فارمولیشین کرنا ہو گی کہ وہ اس فارمولے کے تحت دودھ بنا سکتے ہیں اور جب یونٹ رجسٹرڈ ہو جائیں تو ان کی ریگو لرانسپکشن کرنا ہو گا۔وہ ایشو آف دی ڈے میں گفتگو کررہے تھے۔انہوں نے کہا کہ ملکی سطح پر ڈریپ کی طرز پر فوڈ اتھارٹی جو پورے ملک کیلئے دودھ سمیت کھانے پینے کی دیگر اشیاء کیلئے ایک جیسا قانون بنائے اس کے قیام کی اشد ضرورت ہے اسلم افغانی نے کہا کہ مصنوعی طریقے سے دودھ پانی اور خوردنی تیل کو ملا کر تیار کیا جارہا ہے جس کو گاڑھا اور خراب ہونے سے بچانے کیلئے صرف اور فارمالین جوکہ انتہائی طاقتور زہر ہے کہ چند قطرے ملا ئے جاتے ہیں اگر یہ زیادہ مقدار میں ملائے جائیں تو پھر دودھ مضر صحت بن جاتا ہے میں یہ نہیں کہتا کہ سب لوگ مضر صحت دودھ بنا رہے ہیں لیکن ہر کوئی ٹھیک بھی نہیں بنا رہا جعلساز اس وقت میدان میں آتے ہیں کہ جب ڈیمانڈ یا طلب زیادہ ہو جائے اور سپلائی کم ہو صحت مند دودھ کیلئے ضروری ہے کہ مارکیٹ کا ڈیٹا تیار کیا جائے کہ ہمارے پاس کتنے دودھ کی ضرورت ہے اور ہمارے پاس کتنا موجود ہے اور پھر جا کر قانون سازی ہو سکتی ہے۔
اسلم افغانی

مزید :

صفحہ اول -