ماڈل کورٹس عوام کوفوری انصاف فراہم کرنیکا ذریعہ،اعجاز الحسن اعوان

ماڈل کورٹس عوام کوفوری انصاف فراہم کرنیکا ذریعہ،اعجاز الحسن اعوان

  



لیہ(نمائندہ پاکستان)  بار اور بینچ کے مثالی تعاون سے ماڈل کورٹس کے ذریعے عوام کو فوری انصاف کی فراہمی میں نمایاں کامیابی حاصل ہورہی ہے اور پاکستان بھر میں ضلع لیہ کی جوڈیشری کا چوتھے نمبر پر حصول کا ایوارڈ اس کا عملی ثبوت ہے۔یہ بات ڈسٹرکٹ اینڈ سیشن جج اعجاز الحسن اعوا ن نے ڈسٹرکٹ بار ایسویسی ایشن کے تحت ڈپٹی کمشنر اظفر ضیاء اورنئے تعینات ہونے والے ججز کے اعزاز اور ماڈل کورٹ(بقیہ نمبر11صفحہ12پر)

 میں نمایاں کارکردگی کے حامل وکلاء  میں تعریفی اسناد تقسیم کرنے کے موقع پر منعقدہ تقریب سے خطاب کرتے ہوئے کہی۔تقریب میں اے ڈی سی جی محمداشفا ق سیال،اے سی لیہ نیاز احمدمغل،ایڈیشنل ڈسٹرکٹ اینڈسیشن جج لیہ محمدعاشق چغتائی،ایڈیشنل ڈسٹرکٹ اینڈ سیشن جج کروڑقمرالزمان،،ڈی ایس پی منور بزدار،چیئرمین اوور سیز پاکستانیز کمیٹی چوہدری نوید گجر ایڈووکیٹ،ججز اور وکلاء صاحبان کی کثیر تعداد نے شرکت کی۔تقریب سے خطاب کرتے ہوئے صدر ڈسٹرکٹ باراسلم ارشد خان سیہڑ نے فوری انصاف کے لئے عدلیہ کے تقدس کو مقدم رکھتے ہوئے پاکستان بھر میں ضلع کے نمایاں مقام کے حصول کو باراور بینچ کا مثالی تعاون قرار دیا۔ڈی پی او عثمان اعجاز باجوہ نے کہا کہ ضلع لیہ کی جوڈیشری،پولیس،انتظامیہ اور میڈیا کا مثالی تعاون قانون کی بالا دستی کے لئے بھرپور اہمیت کی حامل ہے جس کے لیے چاروں ستون،خراج تحسین کے مستحق ہیں۔ڈپٹی کمشنر اظفر ضیاء نے اپنے اعزاز میں ڈسٹرکٹ بار کی جانب سے تقریب پر اُن کا شکریہ ادا کرتے ہوئے ضلع میں بہترین سماجی سہولیات کی فراہمی کے عزم کا اظہار کیا اور اپنی جانب سے اس سلسلہ میں کاوشوں کے بارے میں آگہی دی۔ڈسٹرکٹ اینڈ سیشن جج اعجاز الحسن اعوان نے خطاب کرتے ہوے بار اور بینچ کے مثالی تعاون سے ضلعی جوڈیشری کا پاکستان بھر میں نمایاں مقام حاصل کرنے پر ججز اور وکلاء کو مبارک باد دی اور جلد انصاف کے لئے اسی طرح قومی جذبے سے خدمت کرنے کی ضرورت پر زور دیا۔تقریب سے نئے تعینات سینئرسول ججز ساجد وقار آہیر اور تنویر احمدخان نے بھی خطاب کیا۔بعدازاں ڈسٹرکٹ اینڈ سیشن جج،ڈپٹی کمشنر،ڈی پی او نے ماڈل کورٹس میں بہتر کارکردگی کے حامل وکلاء سید نعیم علی شاہ،مہر حبیب اللہ گرواں،میاں نور الہی،بشیر احمدخان بزدار،زاہد جاوید،شیخ جاوید اختر،مہر امجد اقبال گدارہ،شیخ اظہرحسین،شیخ عبدالرشید،راؤ طارق عزیز، چوہدری جمیل احمد،حق نواز جوتہ،خالد محمود بزمی،ملک محمدحسین سامٹیہ،احتسام الامان بھٹی،سبطین خان کشگوری،ملک عبدالعزیز،شفاعت رسول جونی،جودت علی کامران،امجد سعید سرگانی اور محمدبخش دستی  میں تعریفی اسناد تقسیم کیں۔تقریب میں مرحوم ڈسٹرکٹ اٹارنی معروف وکیل ظفر اقبال اور سول جج کے بہنوئی کی وفا ت پرمرحومین کے درجات کی بلندی اور مغفرت کے لئے دعاکی گئی۔

اعجازالحسن

مزید : ملتان صفحہ آخر