پشاور میں سکھ نوجوان کے قتل کا ڈراپ سین، منگیتر ہی ملوث نکلی

پشاور میں سکھ نوجوان کے قتل کا ڈراپ سین، منگیتر ہی ملوث نکلی
پشاور میں سکھ نوجوان کے قتل کا ڈراپ سین، منگیتر ہی ملوث نکلی

  



پشاور (ڈیلی پاکستان آن لائن) خیبر پختونخوا کے دارالحکومت پشاور میں ملائیشیا سے شادی کیلئے آنے والے سکھ نوجوان کے قتل کا ڈراپ سین ہوگیا۔

پولیس ذرائع کے مطابق نوجوان پرویندر سنگھ کے قتل میں اس کی منگیتر ملوث ہے جس نے اجرتی قاتلوں اور اپنے ساتھیوں کی مدد سے نوجوان کو قتل کیا۔ پولیس نے مقتول کی منگیتر پریم کماری سمیت 5 ملزمان کو گرفتار کرلیا ہے۔

پولیس کا کہنا ہے کہ پریم کماری اپنے منگیتر پرویندر سنگھ کو پسند نہیں کرتی تھی اس لیے اس نے جان چھڑانے کیلئے مقتول کو ملاقات کے بہانے بلا کر قتل کرادیا۔

خیال رہے کہ 5 جنوری کو پشاور سے پرویندر سنگھ کی لاش ملی تھی، مقتول کا تعلق شانگلہ سے تھا ، قاتلوں نے اسی کے فون سے اس کے گھر والوں کو قتل کی واردات کی اطلاع بھی دی تھی۔

مزید : علاقائی /خیبرپختون خواہ /پشاور