تحریک انصاف سیاسی جنگ کر نا چاہتی ہے تو حکومت تیار ہے: پرویز رشید

اسلام آباد(ما نیٹرنگ ڈیسک ) وفاقی وزیراطلاعات پرویز رشید نے پاکستان تحریک انصاف کی جانب سے وزیراعظم نواز شریف کے خلاف الیکشن کمیشن جانے کے فیصلے کا خیر مقدم کرتے ہوئے کہا ہے کہ حکومت بھی ان سے سیاسی اور قانونی جنگ کے لئے تیار ہے۔ اپنے ایک بیان میں پرویز رشید کا کہنا تھا کہ تحریک انصاف کی جانب سے سیاسی اور قانونی جنگ کا آغاز کرنے کا خیر مقدم کرتے ہیں، پی ٹی آئی سیاسی جنگ پر آمادہ ہے تو ہم بھی حاضر ہیں، حکومت بھرپور تیاری کے ساتھ تحریک انصاف کی سیاسی اور قانونی چارہ جوئی کا جواب دے گی۔واضح رہے کہ تحریک انصاف کے اراکین قومی اسمبلی مراد سعید اور علی خان نے وزیراعظم نواز شریف کو نا اہل قرار دلوانے کے لئے الیکشن کمیشن سے ان کے کاغذات کی تفصیلات طلب کر لی ہیں۔