کراچی ،لاہور،سیاسی جماعتوں کے کارکنوں میں جھڑپیں ،فائرنگ ،متعدد زخمی

کراچی ،لاہور،سیاسی جماعتوں کے کارکنوں میں جھڑپیں ،فائرنگ ،متعدد زخمی

کراچی ، لاہور (جنرل رپورٹر،سٹاف رپورٹر)کراچی اور لاہور میں سیاسی جماعتوں کے کارکنوں میں جھڑپوں اور فائرنگ سے متعدد افراد زخمی ہوگئے۔ایم کیوایم پاکستان کے ڈپٹی کنوینر کنور نوید جمیل نے الزام لگایا ہے کراچی کے علاقے لیاقت آباد میں ایم کیوایم کے انتخابی دفتر پر پی ایس پی کے مسلح کارکنان نے حملہ کیا جس کے نتیجے میں ایم کیوایم کے متعدد کارکنان زخمی ہوگئے۔ کنورنوید جمیل نے انتخابی دفتر پر پی ایس پی کارکنا ن کے حملے کی شدید مذمت کرتے ہوئے الیکشن کمیشن، آئی جی سندھ اور متعلقہ حکام سے فوری طور پر واقعے کا نوٹس لینے کا مطالبہ کیا۔ادھر لاہور میں حلقہ پی پی 160 وحدت کالونی میں چوک عاشق آباد کے قریب پی ٹی آئی کے دفتر پر مسلح شخص کی فائرنگ سے دو افراد زخمی ہو گئے ۔ زخمیوں کوہسپتال منتقل کردیا گیا جبکہ ملزم فرار ہونے میں کامیاب ہوگیا۔ پولیس کے مطابق فائرنگ کے وقت پی ٹی آئی کے کارکنان مقامی انتخابی دفتر میں الیکشن کی تیاریوں کیلئے موجود تھے۔ اس حلقہ میں ن لیگ کے توصیف شاہ اور پی ٹی آئی کے میاں محمود الرشید کے درمیان مقابلہ ہے۔

کارکن زخمی

مزید : صفحہ اول