پشاور،غیرت کے نام پر لڑکا اور لڑکی کو قتل،ملزمان نے جرم کا اعتراف کر لیا

پشاور،غیرت کے نام پر لڑکا اور لڑکی کو قتل،ملزمان نے جرم کا اعتراف کر لیا

  

پشاور(آئی این پی) خیبرپختونخوا کے دارالحکومت پشاور میں غیرت کے نام پر لڑکا اور لڑکی کو قتل کردیا گیا،قتل کے بعد لاشیں بنا جنازہ پڑھے ہی رحمان بابا قبرستان میں دفنا دی گئیں،ملزمان نے جرم کا اعتراف بھی کرلیا ہے۔ بدھ کو نجی ٹی وی کے مطابق پشاور میں غیرت کے نام پر 16 سالہ لڑکی اور 20 سالہ لڑکے وقاص کو قتل کردیا گیا، پولیس کے مطابق دونوں کو خاندان والوں نے ہی قتل کیا۔ایس پی سٹی وقار عظیم کھرل کے مطابق قتل کے بعد لاشیں بنا جنازہ پڑھے ہی رحمان بابا قبرستان میں دفنا دی گئیں، ایف آئی آر درج کرکے تین ملزمان کو گرفتار کرلیا گیا ہے۔پولیس حکام کے مطابق لاشوں کی قبرکشائی کے لیے مجسٹریٹ کو درخواست دے دی گئی ہے، ملزمان نے جرم کا اعتراف بھی کرلیا ہے۔

غیرت

مزید :

صفحہ آخر -