انگلینڈ کرکٹ بورڈ کا ناصر جمشید کی اہلیہ ڈاکٹر ثمرہ افضل کو خراج تحسین مگر کیوں؟

انگلینڈ کرکٹ بورڈ کا ناصر جمشید کی اہلیہ ڈاکٹر ثمرہ افضل کو خراج تحسین مگر ...
انگلینڈ کرکٹ بورڈ کا ناصر جمشید کی اہلیہ ڈاکٹر ثمرہ افضل کو خراج تحسین مگر کیوں؟

  

لاہور (ڈیلی پاکستان آن لائن) انگلینڈاینڈ ویلز کرکٹ بورڈ (ای سی بی) کی جانب سے کورونا وائرس کے خلاف لڑنے والے طبی عملے کی خدمات کے اعتراف میں مہم شروع کی گئی ہے جس میں پاکستانی کرکٹر ناصر جمشید کی اہلیہ ڈاکٹر ثمرہ افضل کو بھی خراج تحسین پیش کیا گیا ہے۔

تفصیلات کے مطابق ای سی بی نے کورونا وائرس کے خلاف لڑنے والوں کی خدمات کے اعتراف میں ’ریز دی بیٹ‘ مہم شروع کی ہے جس میں انگلش ٹیم کے کھلاڑی طبی عملے کے ناموں والی شرٹس ٹریننگ کے دوران پہن رہے ہیں۔ پاکستانی نژاد برطانوی ڈاکٹر ثمرہ افضل کے نام والی شرٹ انگلینڈ کے کرکٹر کرس ووکس نے پہن کر انہیں خراج تحسین پیش کیا۔

اس حوالے سے ڈاکٹر ثمرہ افضل نے ایک ٹوئٹ میں خوشی کا اظہار کرتے ہوئے کہا ہے کہ ای سی بی کی جانب سے سراہا جانا میرے لئے اعزاز اور خوشی کی بات ہے، خاص بات یہ ہے کہ میرے فیورٹ کرکٹر نے میرے نام والی شرٹ پہنی۔ کرس ووکس نے ٹوئٹر پر انہیں جواب دیتے ہوئے کہا کہ یہ ان لوگوں کیلئے ایک معمولی سی چیز ہے جو قربانیاں دے رہے ہیں، مشکل وقت میں سخت محنت جاری رکھنے پر آپ کا شکریہ۔

خیال رہے کہ ڈاکٹر ثمرہ افضل پاکستانی کرکٹر ناصر جمشید کی اہلیہ ہیں اور خود بھی پارٹ ٹائم کرکٹ کے شعبے سے وابستہ ہیں۔ پاکستانی کرکٹر ناصر جمشید کو رواں برس فروری میں سپاٹ فکسنگ سکینڈل میں برطانوی کراؤن کورٹ نے سزا سنائی ہے۔ انٹرنیشنل کرائم ایجنسی نے سپاٹ فکسنگ کی تحقیقات کے بعد کرکٹر ناصر جمشید اور ان کے ساتھیوں یوسف انور اور محمد اعجاز کو سزا سنائی۔

مزید :

کھیل -