وزیراعظم کے بھانجے کے خلاف درج ہونے والے مقدمہ میں اہم پیش رفت سامنے آگئی
لاہور(ڈیلی پاکستان آن لائن)وزیراعظم عمران خان کے بھانجے حسا ن نیازی کے خلاف درج ہونے والے مقدمہ میں پولیس نے سیشن کورٹ سے سی سی ٹی وی فوٹیج مانگ لی ہے۔
حسان نیازی اور اس کے دیگر ساتھیوں کے خلاف نواب اکبر بگٹی کی اہلیہ نرگس شہزاد کے بیان پر اقدام قتل سمیت دیگر دفعات کے تحت اسلام پورہ تھانہ میں مقدمہ درج کیا گیا تھا۔مقدمہ مدعیہ کے مطابق ملزم حسان نیازی سے اس کے کپڑے پھاڑنے کی کوشش کی اور سنگین نتائج کی دھمکیاں بھی دیں۔
پولیس کے مطابق مقدمہ کے اندراج کے بعد میرٹ پر تفتیش کا عمل جاری ہے۔
