سیمنٹ کی قیمت میں استحکام برقرار 

اسلام آباد(اے پی پی):ملک میں سیمنٹ کی ریٹیل قیمت میں گزشتہ ہفتہ کے دوران استحکام رہا۔پاکستان بیوروبرائے شماریات کی جانب سے اس حوالہ سے جاری کردہ اعدادوشمارکے مطابق 6 جولائی کوختم ہونے والے ہفتہ میں ملک کے شمالی علاقوں میں سیمنٹ کی فی بوری کی اوسط قیمت 1132 روپے ریکارڈکی گئی جو پیوستہ ہفتہ کے مقابلہ میں 0.30 فیصدکم ہے، پیوستہ ہفتہ میں ملک کے شمالی علاقوں میں سیمنٹ کی فی بوری کی اوسط قیمت 1135 روپے ریکارڈکی گئی تھی۔اسی طرح گزشتہ ہفتہ میں ملک کے جنوبی خطہ میں سیمنٹ کی فی بوری کی اوسط قیمت1168 روپے ریکارڈکی گئی جوپیوستہ ہفتہ کے مقابلہ میں 0.39 فیصدزیادہ ہے، پیوستہ ہفتہ میں ملک کے جنوبی علاقوں میں سیمنٹ کی فی بوری کی اوسط قیمت 1164 روپے ریکارڈکی گئی تھی۔
۔ اعدادوشمارکے مطابق گزشتہ ہفتہ کے دوران اسلام آباد میں سیمنٹ کی سیمنٹ کی فی بوری کی اوسط قیمت 1150 روپے، راولپنڈی 1147 روپے، گوجرانوالہ 1140 روپے، سیالکوٹ 1140 روپے، سیالکوٹ 1140 روپے، لاہور1170 روپے، فیصل آباد 1100 روپے، سرگودھا1100 روپے، ملتان 1142 روپے، بہاولپور1160 روپے، پشاور1113 روپے اوربنوں میں 1090 روپے ریکارڈکی گئی، اسی طرح کراچی میں سیمنٹ کی فی بوری کی اوسط قیمت1128 روپے، حیدرآباد1150 روپے، سکھر1220 روپے، لاڑکانہ 1170 روپے۔ کوئٹہ 1190 روپے اورخضدارمیں سیمنٹ کی فی بوری کی اوسط قیمت 1150 روپے ریکارڈکی گئی۔