ایران میں پولیس اسٹیشن پر خود کش حملہ، 2 افسرجاں بحق 

تہران(مانیٹرنگ ڈیسک) ایران کے شورش زدہ جنوبی مشرق میں ایک پولیس اسٹیشن پر مسلح افراد اور خودکش حملہ آوروں کے حملے میں 2 پولیس افسرشہید ہو گئے جبکہ جوابی کارروائی میں 4 حملہ آور مارے گئے۔ ایرانی سرکاری ٹیلی ویژن کی رپورٹ کے مطابق مذکورہ واقعہ صوبہ سیستان-بلوچستان کے دارالحکومت زاہدان میں پیش آیا۔سرکاری ٹیلی ویڑن کے بتایا کہ چھاپے میں “چاروں دہشت گرد” ہلاک اور دو پولیس افسر شہید ہوگئے۔واضح رہے سیستان،بلوچستان، جو پاکستان اور افغانستان سے متصل اور ایران کے غریب ترین صو بوں میں سے ایک ہے، یہاں سے منشیات کی سمگلنگ کی جاتی ہے۔
ایران