لاہور ہائیکورٹ : پنجاب حکومت کو 6ماہ کے اندر پولیس کمپلینٹس اتھارٹی بنانے کی ہدایت 

لاہور( نامہ نگار خصوصی)لاہور ہائیکورٹ کے جسٹس امجد رفیق نے پنجاب حکومت کو چھ ماہ کے اندر پولیس کمپلینٹس اتھارٹی بنانے کی ہدایت کر دی،عدالت نے اتھارٹی کے قیام کو ضروری قرار دیتے ہوئے افسوس کا اظہار کیا کہ پولیس آرڈر 2002 کو رائج ہوئے 21 برس ہوگئے ہیں لیکن ابھی پولیس کمپلینٹس اتھارٹی بنانے کے لیے کوشش نہیں کی گئی، 15صفحات پر مشتمل تحریری فیصلہ میںپولیس آرڈر 2002کے تحت اتھارٹی کے 6ممبرز ہوں گے اور ایک چیئرپرسن ہوگا فیصلہ ارکان کی تقرری پی پی ایس سی کے تحت حکومت کرے گی فیصلہ چیئرپرسن کی تقرری کا اختیار گورنر پنجاب کو ہے، اگر کسی اہلکار کے خلاف شکایت آئے تو جسٹس آف پیس ڈی پی او کو بھیجے گا ، ڈی پی او شکایت کو پولیس کمپلینٹس اتھارٹی کو بھجوائے گا ، اتھارٹی بنانے کی کوشش تک نہیں کی گئی ، اے ایس آئی حفیظ اللہ شاہدنے اپنے خلاف مقدمہ درج کرنے کے اقدام کو چیلنج کرتے ہوئے موقف اختیار کیا کہ ٹریکٹر خورد برد کے مقدمے کی غلط تفتیش پر مقدمہ درج کیا گیا جبکہ محکمانہ انکوائری میں بری کر دیاگیا مقدمہ درج کرنے کے احکامات دیتے وقت قانونی تقاضے پورے نہیں کیے گئے، عدالت نے مقدمے کی تفتیش تبدیل کرنے کا حکم برقرار رکھتے ہوئے مقدمہ درج کرنے کے فیصلے کو کالعدم قرار دے دیا۔
لاہور ہائیکورٹ