مارکیٹ میں دستیاب اعصابی مرض کی گولی جعلی قرار !
ڈرگ ریگولیٹری اتھارٹی (ڈریپ) نے مارکیٹ میں دستیاب اعصابی مرض کی گولی فینو بار سے متعلق ریڈ الرٹ جاری کیاہے۔ ڈرگ ریگولیٹری اتھارٹی نے فینو بار 30 ایم جی کے تین بیج جعلی قرار دیتے ہوئے کہا ہے کہ فینوبار ٹیبلٹ کے تین بیج کیو اے 16،19اور25 جعلی ہیں۔اس جعلی دوا میں سائیکوٹراپک ، نارکوٹک و زہریلے اجزا ءشامل ہو سکتے ہیں۔ ڈرگ ریگولیٹری اتھارٹی کا کہنا ہے کہ دوا فروش فینوبار کے جعلی بیج کی فروخت روکنے کے لیے اپنا اپنا سٹاک چیک کر لیں اور اس بات کو یقینی بنائیں کہ یہ کسی بھی صورت میں فروخت نہیں ہونی چاہئے۔
