راجن پور(ڈیلی پاکستان آن لائن) راجن پور کے علاقے میانی پھاٹک انڈس ہائی وے سے کچے کے ڈاکوؤں نے 2افراد کو اغوا ءکرلیا ۔
نجی ٹی وی چینل" ایکسپریس نیوز "کے مطابق پولیس کاکہناہے کہ اغوا ءہونے والے دونوں افراد پارکو کے ملازم ہیں، دونوں افراد پارکو تیل کی پائپ لائن پر معمول کے گشت پر تھے جن کو اغوا ءکیاگیا۔
پولیس ذرائع کا مزید کہنا ہے کہ اغوا ہونیوالوں میں پارکو آفیسر غلام اصغر اور ڈرائیور شامل ہیں، ڈاکو دونوں مغویوں کو کچے میں لے کر فرار ہو گئے ہیں ،پولیس کی جانب سے مغویوں کی بازیابی کیلئے پولیس ٹیم تشکیل دے دی گئی ۔