بھارت نے دریائے راوی میں پانی چھوڑ دیا

لاہور(ڈیلی پاکستان آن لائن) بھارت نے دریائے راوی میں پانی چھوڑ دیا، پی ڈی ایم اے نے ہائی الرٹ جاری کردیا

نجی ٹی وی چینل  ایکسپریس نیوز کے مطابق ترجمان  پی ڈی ایم اے کا کہنا ہے کہ بھارت نے ایک لاکھ 85ہزار کیوسک پانی اجھ بیراج سے دریائے راوی میں چھوڑا، ریکارڈ کے مطابق پچھلے سال بھی ہندوستان نے ایک لاکھ 73ہزار کیوسک پارنی چھوڑا تھا۔

پی ڈی ایم اے کا کہنا ہے کہ چھوڑے گئے پانی کا تقریباً ایک تہائی یعنی 60ہزار کیوسک جسر تک پہنچا تھا، سیلاب کی نچلی سطح دریائے راوی پر گیجنگ پوائنٹ بنی تھی ،تقریباً65ہزار کیوسک پانی اگلے 20سے 24گھنٹے کے اندر پہنچنے کی توقع ہے ، ترجمان کے مطابق جسر کے مقام پر دریائے راوی کی سیلابی حدود کے مطابق، سیلابی میدانی علاقوں میں کم سیلاب متوقع  ہے۔