تصویر بنانے پر ناراض آکٹوپس نے کیمرہ چھین لیا

کینبرہ (ڈیلی پاکستان آن لائن)تصویر بنانے پر آکٹوپس نے آسٹریلین ڈائیور سے کیمرہ چھین لیا۔

پانی میں اس وقت ایک دلچسپ جنگ چھڑی جب آکٹوپس نے آسٹریلوی غوطہ خور کا کیمرہ چھین لیا، یہ تصادم اس وقت ہوا جب نوجوان ساؤتھ ویلز کے ساحل پر پانی کے اندر تیراکی کر رہا تھا

15سالہ جیسی لوفیل کو سمندر میں ایک چھوٹا آکٹوپس نظر آیا اور وہ اس کی تصاویر بنانے لگا، تاہم یہ بات آٹھ ٹانگوں والی اس مخلوق کو پسند نہیں آئی، غوطہ خوری سے واپسی کے بعد لڑکے نے انڈر واٹر فوٹو گرافر ماری کلاؤٹ کو بتایا کہ اسنورکلنگ کے دوران ایک آکٹوپس نے اس سے کیمرہ چھین لیا ہے۔

انڈر واٹر فوٹو گرافر جب اپنے دوست کو لے کر زیر سمندر گیا تو خوش قسمتی سے انہیں آکٹوپس وہیں مل گیا جہاں اسے نے کیمرہ ہتھایا تھا جب کہ کیمرے کو اس نے اپنی آٹھ ٹانگوں کے درمیان جکڑ ہوا تھا۔

انہوں نے آکٹوپس سے ایک سٹک کی مدد سے بڑی مشکل سے کیمرہ لیا، اس دوران انہوں نے آکٹوپس کی فلم بھی بنائی،جو تیزی سے وائرل ہورہی ہے.