سٹیویاکی بڑھوتر ی کیلئے 30ڈگر ی در جہ حرارت موزوں ہے، زرعی ماہرین

سرگودھا(اے پی پی )زرعی ماہرین نے بتایا کہ سٹیویاایک کثیر الفوائد ادویاتی پود ہ ہے، ا س کے پتے چینی سے 10سے 15گنازیادہ میٹھے اور ا س کا عرق چینی سے 200سے 300گنا زیاد ہ میٹھا ہوتا ہے ۔انہوں نے بتایا کہ ایک ایکڑ زمین پرسٹیویاکی کاشت سے اسکی پہلی کٹائی میں 18سے 22من تک خشک پتے حاصل کیے جاسکتے ہیں۔سٹیویا کوکچن گارڈننگ کے طورپر اگایا جاسکتا ہے ۔خون میں شوگر کی مقدار اوربلڈ پریشر کوکم کرتا ہے۔ سٹیویا کے گلائیکوسائیڈ سرطان کی ادویات بنانے میں استعمال ہوتے ہیں۔ انہوں نے بتایا کہ سٹیویا کی کاشت کرنے کیلئے ا س کی نرسر ی تیار کرنا پڑتی ہے ،نرسر ی بیج، قلم اور ٹشو کلچر سے تیار کی جاسکتی ہے۔ بیج سے تیارکر د ہ پود ے 2ماہ بعد جبکہ قلم اور ٹیشوکلچر سے کا شت کرد ہ پو د ے 1ماہ بعد کھیت میں منتقل کرنے کے قابل ہوجاتے ہیں ۔
کیونکہ سٹیویا کے بیج کا شرح اگاؤ بہت کم ہوتا ہے ا س لیے قلم کے ذریعے اس کی افزائش کی جا ئے ۔ا س کیلئے پو دے کا اوپر والا 4انچ حصہ کاٹ کر پلاسٹک کے کپ میں موجود مٹی میں لگا کر پانی کا چھڑ کاؤکریں۔ قلمیں لگانے کے بعد پلاسٹک کے لفافے سے اچھی طرح ڈھانپ دیں اورپودے تیارہونے تک کھیت میں منتقل کریں ۔پود ے کی بڑھوتر ی کیلئے 30ڈگر ی سینٹی گریڈ در جہ حرارت موزوں ہے ۔