” کوئی قباحت نہیں اگراس ایک وجہ سے الیکشن آگے چلے جائیں“ بالآخر نگران وزیراعلیٰ نے بھی وہی بات کہہ دی جس کا ڈر تھا

” کوئی قباحت نہیں اگراس ایک وجہ سے الیکشن آگے چلے جائیں“ بالآخر نگران ...
” کوئی قباحت نہیں اگراس ایک وجہ سے الیکشن آگے چلے جائیں“ بالآخر نگران وزیراعلیٰ نے بھی وہی بات کہہ دی جس کا ڈر تھا

  

کوئٹہ(ویب ڈیسک) بلوچستان کے نگراں وزیر اعلیٰ علائو الدین مری نے کہا ہے کہ اگر گرمی کی وجہ سے انتخابات 10 سے 15 روز تک آگے بڑھ جائیں تو کوئی قباحت نہیں۔

ایکسپریس نیوز کے مطابق بلوچستان کے نگراں وزیر اعلیٰ علائو الدین مری نے اپنے عہدے کا حلف اٹھالیا، گورنر محمد خان اچکزئی نے ان سے حلف لیا جب کہ حلف برداری کی تقریب میں سابق وزیراعلیٰ میر عبدالقدوس بزنجو ، سردار صالح بھوتانی اور دیگر اعلیٰ حکام نے شرکت کی۔

نگراں وزیر اعلیٰ نے عہدے کا حلف اٹھاتے ہی ایک نئی بحث چھیڑ دی اور کہا کہ اگر گرمی کی وجہ سے الیکشن 10 تا 15 روز آگے بڑھ جائیں تو کوئی قباحت نہیں۔نگراں وزیر اعلیٰ نے کہا کہ میرا کوئی سیاسی ایجنڈا نہیں، قیام امن اور شفاف انتخابات کے انعقاد کو یقینی بنایا جائے گا، ہماری کوشش ہوگی کہ زیادہ سے زیادہ لوگ انتخابات میں اپنا حق رائے دہی استعمال کریں، انتخابات کو شفاف بنانے کے لیے تمام سیاسی جماعتوں سے رابطے کیے جائیں گے۔؎

علائو الدین مری نے مزید کہا کہ صوبائی کابینہ مختصر ہوگی حلقہ بندیوں کے حوالے سے سیاسی جماعتوں کے تحفظات برقرار ہیں۔

مزید : علاقائی /بلوچستان /کوئٹہ