سجل علی کی احد رضا میر کے ساتھ منگنی، ڈی جی آئی ایس پی آر کا پیغام بھی آگیا

سجل علی کی احد رضا میر کے ساتھ منگنی، ڈی جی آئی ایس پی آر کا پیغام بھی آگیا
سجل علی کی احد رضا میر کے ساتھ منگنی، ڈی جی آئی ایس پی آر کا پیغام بھی آگیا

  

راولپنڈی (ڈیلی پاکستان آن لائن) ڈی جی آئی ایس پی آر میجر جنرل آصف غفور نے اداکارہ سجل علی اور احد رضا میر کو منگنی کی مبارکباد دی ہے۔

ڈی جی آئی ایس پی آر میجر جنرل آصف غفور نے ٹوئٹر پر احد رضا میر اور سجل علی اور ان کے اہلخانہ کو دونوں کی منگنی پر مبارکباد پیش کی ہے۔ ڈی جی آئی ایس پی آر نے احد رضا میر سے کہا کروڑوں پاکستانی اور آپ کے مداحوں کو رواں برس اگست میں آپ کے آئی ایس پی آر کے پراجیکٹ میں کیپٹن سعد کے کردار کیلئے تیار رہنا چاہیے۔

خیال رہے کہ احد رضا میر اور سجل علی کے معاشقے کی خبریں ایک عرصے سے آرہی تھیں تاہم انہوں نے عید کے موقع پر منگنی کی ہے۔ اس سے قبل سجل علی کے اداکار فیروز خان کے ساتھ معاشقہ بھی زبان زد عام رہا ہے تاہم اداکار نے شوبز انڈسٹری سے باہر کی لڑکی سے شادی کرلی تھی۔

ٹوئٹر@peaceforchange

مزید : تفریح