پنجاب میں کورونا کے مریضوں اور اموات میں خطرناک حد تک اضافہ ہونے لگا 

پنجاب میں کورونا کے مریضوں اور اموات میں خطرناک حد تک اضافہ ہونے لگا 

  

لاہور(جنرل رپورٹر) پنجاب میں کورونا کے مریضوں اور اموات میں خطرناک حد تک اضافہ ہونے لگا۔ یکم مئی سے 7 جون تک کورونا کیسز کی یومیہ شرح 6.7 گنا بڑھ گئی۔ ایک مہینہ اور 7 دن میں ہلاکتوں کی شرح میں بھی 7 گنا اضافہ ہوا۔ محکمہ صحت نے رپورٹ جاری کر دی۔محکمہ صحت کی رپورٹ کے مطابق یکم مئی سے 7 جون تک 39 دنوں میں کورونا کیسز کی یومیہ شرح میں 6.7فیصد اضافہ ہوا۔پنجاب میں 30870 نئے کیسز سامنے آئے۔ رپورٹ کے مطابق یومیہ 791 مثبت کیسز سامنے آنے لگے ہیں۔ اس سے قبل پہلے ڈیرھ ماہ میں کیسز یومیہ شرح 129 کیسز تھی۔ 14 مارچ سے 30 اپریل تک صرف 6220 کیسز سامنے آئے تھے۔رپورٹ میں کہا گیا ہے کہ پنجاب میں وائرس سے ہلاکتوں کی یومیہ شرح میں بھی سات گنا تک اضافہ ہوا ہے۔ یکم مئی سے اب تک یومیہ ہلاکتوں کی شرح 14.7 ہو چکی ہے اور 39 روز میں 557 افراد جاں بحق ہو چکے ہیں۔ پہلے ڈیڑھ ماہ میں ہلاکتوں کی شرح 2.2 تھی اور 14 مارچ سے 30 اپریل تک 48 روز میں 106 ہلاکتیں ہوئی تھیں۔ پنجاب میں اب تک مجموعی طور پر کورونا کے 38903 کیسز اور 715 اموات ہوئی ہیں۔

کورونا کیسز

مزید :

صفحہ آخر -