وزیراعظم اور قومی زبان

وزیراعظم اور قومی زبان

  

وزیراعظم عمران خان کی طرف سے سرکاری تقریبات قومی زبان اردو میں کرنے کی ہدایت کے بعد قومی زبان کے استعمال کا سلسلہ شروع ہو گیا ہے اور اب قومی وزارتوں کی طرف سے اپنے اپنے محکموں کو اردو میں کارروائی شروع کرنے کا حکم جاری کرنا شروع کر دیا گیا ہے۔خبر ہے کہ آئی ٹی اور ٹیلی کمیونیکیشن کے وزیر سید امین الحق(ایم کیو ایم) نے بھی یہ ہدایت جاری کی ہے کہ اس وزارت کے تمام شعبوں اور ماتحت اداروں میں تقریبات اور اجلاسوں کی کارروائی فوری طور پر قومی زبان میں شروع کر دی جائے۔ اردو نہ صرف پاکستان کی قومی زبان ہے، بلکہ یہ رابطے کی بھی زبان ہے۔ آئینی طور پر اسے مکمل رائج کرنے کی تاریخ گذرے 36 سال ہو گئے اور کئی بار یقین دہانیوں،حتیٰ کہ سپریم کورٹ کے فیصلے کے باوجود مطلوبہ نتائج حاصل نہیں ہو سکے،اب وزیراعظم نے تقریبات کے انعقاد کے حوالے سے حکم جاری کیا ہے تو اس کا بھرپور خیر مقدم کیا جانا چاہیے۔توقع کی جانی چاہیے کہ اس حکم کی روح کے مطابق ہر سرکاری محکمے میں عمل کا آغاز ہو گا،اور عدالتوں میں بھی اعلیٰ ترین سطح تک اردو کو رائج کیا جائے گا۔

مزید :

رائے -اداریہ -