افغانستان سے صرف فوج جارہی ہے، امریکہ نہیں: زلمے خلیل زاد
کابل (این این آئی) امریکی نمائندہ خصوصی برائے افغانستان زلمے خلیل زاد نے کہا ہے کہ افغانستان سے صرف امریکی فوج جا رہی ہے، امریکہ ساتھ نہیں چھوڑ رہا۔افغان میڈیا کو دیئے گئے انٹرویو میں زلمے خلیل زاد نے کہا ہے کہ افغانستان کے ساتھ مضبوط تعلقات جاری رہیں گے۔انہوں نے کہا کہ افغانستان میں امریکی موجودگی سے نیا نظام اور نیا ماحول بنا، بڑی تعداد میں لڑکیاں سکول جانے لگیں، جامعات طلباء سے بھر گئیں۔زلمے خلیل زاد نے کہا کہ افغانستان میں امن کے قیام تک امریکہ افغان سکیورٹی فورسز کے ساتھ کھڑا ہے۔انہوں نے کہا طویل مدتی تناظر میں سیاسی مفاہمت نہ ہوئی تو جنگ جاری رہ سکتی ہے۔امریکی نمائندہ خصوصی برائے افغانستان نے مزید کہا کہ جنگ جاری رہی تو خطے کی جانب سے افغان امور میں مداخلت بڑھ سکتی ہے۔انہوں نے کہا کہ خطے کی افغان امور میں مداخلت میں اضافہ افغانستان کے مفاد میں نہیں۔
زلمے خلیل زاد