وزیراعظم کی سفارش پر صدر کو گورنر کی تعیناتی کرنا ہوتی ہے، اسلام آباد ہائیکورٹ

 وزیراعظم کی سفارش پر صدر کو گورنر کی تعیناتی کرنا ہوتی ہے، اسلام آباد ...

  

   اسلام آباد(آئی ا ین پی) چیف جسٹس اطہر من اللہ نے گورنر گلگت بلتستان کی عدم تعیناتی سے متعلق درخواست پر فیصلہ سنا دیا، جس میں کہا گیا ہے کہ صدر کو وزیر اعظم کی سفارش پر گورنر کی تعیناتی کرنی ہوتی ہے۔ اسلام آباد ہائی کورٹ کے چیف جسٹس اطہر من اللہ نے گورنر بلتستان کی عدم تعیناتی سے متعلق درخواست پر فیصلہ دیا ہے کہ صدر مملکت کو وزیراعظم کی سفارش پر آرڈر 2018کے آرٹیکل 33 کے مطابق گورنر کا عہدہ خالی ہونے کے بعد وزیراعظم کی سفارش پر تعیناتی کرنی ہوتی ہے۔ عدالت نے کہا کہ توقع ہے کہ صدر مملکت وزیراعظم کی سفارش پر آرڈر 2018 کے تحت گورنر تعینات کریں گے۔ اسپیکر کی قائم مقام گورنر تعیناتی کا نوٹی فکیشن جاری کرنے کی درخواست غلط فہمی پر مبنی ہے۔ گورنر گلتستان کا عہدہ 19 اپریل 2022 سے خالی ہے۔چیف جسٹس نے تین صفحات پر مشتمل محفوظ فیصلہ سناتے ہوئے کہا کہ گورنر کی تعیناتی سے متعلق مجوزہ طریقہ کی ہدایات کے ساتھ درخواست نمٹائی جاتی ہے۔

تعیناتی

مزید :

صفحہ آخر -