کپتان نے شائقین کے دل جیت لیے،سوشل میڈیا پر چرچےہونے لگے

کپتان نے شائقین کے دل جیت لیے،سوشل میڈیا پر چرچےہونے لگے
کپتان نے شائقین کے دل جیت لیے،سوشل میڈیا پر چرچےہونے لگے

  

ملتان(ڈیلی پاکستان آن لائن ) پاکستان کرکٹ ٹیم کے کپتان بابر اعظم نے  ویسٹ انڈیز کے خلاف اپنا مین آف دی میچ ایوارڈ خوشدل شاہ کو دے دیا۔

تفصیلات کے مطابق پاکستان نے ویسٹ انڈیز کی جانب سے دیا گیا 306 رن کا ہدف آخری اوور میں 5 وکٹوں کے نقصان پر پورا کیا، کپتان بابر اعظم 103 اور امام الحق 65 رنز بنا کر نمایاں رہے،رضوان 59 رنز کی اننگز کھیلی تاہم اختتامی اوورز میں خوشدل شاہ نے جارحانہ بیٹنگ کا مظاہرہ کیا اور آخری اوور میں ٹیم کو جیت دلوائی، انہوں نے 23 گیندوں پر ناقابل شکست 41 رنز کی اننگز کھیلی۔

تاہم میچ کے بعد سنچری سکور کرنے والے بابر اعظم کو جیوری کی جانب سے پلیئر آف دی میچ کا ایوارڈ دیا گیا لیکن پاکستانی کپتان نے اس موقع پر بڑے دل کا مظاہرہ کیا اور اپنا ایوارڈ خوشدل شاہ کو دے دیا۔بابر اعظم کے اس عمل سے کرکٹ شائقین بے حد خوش ہوئے اور تعریفوں کے پل باند دیئے ،ایک مداح نے لکھا کہ میرے پاس الفاظ کم ہیں بابر کی تعریف کیلئے ۔

بابر اعظم کے ایک فین نے لکھا کہ خوش دل شاہ کو اپنا مین آف دی ایوارڈ دیناثابت کرتا ہے کہ وہ نمبر ون بیٹسمین ہونے کے ساتھ ساتھ دل سے بھی  نمبر ون کرکٹر ہیں ۔

واضح رہے کہ دونوں ٹیموں کے درمیان 3ایک روزہ میچوں کی سیریز کا دوسرا میچ 10 اور تیسرا 12 جون کو کھیلا جائے گا۔

مزید :

قومی -کھیل -