سموگ کے تدارک سے متعلق کیس ؛ لاہور ہائیکورٹ کاآلودگی پھیلانے والی فیکٹریوں کو پہلے سیل، خلاف ورزی پر مسمار کرنے کاحکم
لاہور(ڈیلی پاکستان آن لائن)سموگ کے تدارک سے متعلق کیس میں لاہور ہائیکورٹ آلودگی پھیلانے والی فیکٹریوں کو پہلے سیل، خلاف ورزی پر مسمار کرنے کاحکم دیدیا۔
نجی ٹی وی چینل دنیا نیوز کے مطابق لاہور ہائیکورٹ میں سموگ کے تدارک کیلئے کیس کی سماعت ہوئی،عدالت نے آلودگی پھیلانے والی فیکٹریوں کو پہلے سیل، خلاف ورزی پر مسمار کرنے کاحکم دیدیا،جسٹس شاہد کریم نے کہاکہ جس علاقے میں آلودگی ہووہاں کے ماحولیاتی آفیسر کیخلاف کارروائی کی جائے ۔
عدالت نے کہاکہ سموگ کے تدارک کیلئے تمام وسائل بروئے کار لائے جائیں،لاہور میں پھل دار اورسایہ دار درخت لگائے جائیں،تاکہ ماحولیاتی آلودگی پر قابو پایا جا سکے،عدالت نے شہر میں تجاوزات کیخلاف آپریشن کی تفصیلی رپورٹ بھی 16 جون تک طلب کرلی ۔
