وفاقی بجٹ کے بعد گاڑیوں کی قیمت میں ہوشربا اضافے کا امکان

اسلام آباد (ڈیلی پاکستان آن لائن) وفاقی وزیر خزانہ اسحاق ڈار نے آئندہ مالی سال کا بجٹ پیش کردیا ، جس میں1300 سی سی سے زائد کی گاڑیوں کی درآمد پر ٹیکسز کی حد بندی کوختم کردیا گیا ہے ۔ 

وزیر خزانہ کا کہنا تھاکہ ایشیا میں بننے والی پرانی اور استعمال شدہ 1800 سی سی تک کی گاڑیوں کی درآمد پر 2005 میں ڈیوٹیز اور ٹیکسز کو محدود کر دیا گیا تھا،  اب 1300 سی سی سے اوپر کی گاڑیوں کے ڈیوٹی اور ٹیکسز کی حد بندی ختم کی جا رہی ہے، ڈیوٹی اور ٹیکسز کی حد بندی ختم ہونے کے بعد گاڑیوں کی قیمت میں اضافہ ہونے کا امکان ہے۔