پاکستان کی بھارت، ایران سے بجلی کی درآمد کیلئے کوششیں تیز
اسلام آباد(آئی اےن پی)پاکستان نے بھارت اور ایران سے فوری طور پر پندرہ سو میگاواٹ بجلی کی درآمد کے لئے کوششیں تیز کردیں، بھارت سے مذاکرات جاری ہیں، ایران سے بات چیت آئندہ ہفتہ ہوگی۔ وزارت پانی و بجلی کے ذرائع کے مطابق اس سلسلے میں پاکستان سے توانائی ماہرین کا ایک وفد نئی دہلی میں بھارتی وزیر توانائی سے مذاکرات کر رہا ہے، بات چیت میں بھارت سے فوری طور پر پانچ سو میگاواٹ بجلی کی خریداری پر زور دیا جا رہا ہے، حا ہی میں وفاقی کابینہ نے بھارت سے بجلی کی درآمد کے لئے مفاہمتی یادداشت کے مسودے کی منظوری دی ہے، ذرائع کا کہنا ہے کہ اس سلسلے میں ایک اور حکومتی وفد سترہ سے اٹھارہ مارچ کے دوران تہران پہنچ کر ایرانی حکام سے ایک ہزار میگاواٹ بجلی کی درآمد کے معاہدے کو حتمی شکل دے گا، ذرائع کا کہنا ہے کہ پاکستان اور ایران کے درمیان بجلی کی درامد کے منصوبے پر سال دوہزار سات میں دستخط کئے جاچکے ہیں۔
، تاہم مختلف شرائط پر دونوں ملکوں کے درمیان اختلاف کی وجہ سے معاہدہ عمل درآمد سے محروم ہے۔