خواتین کے معاشی استحکام کیلئے انٹرن شپ منصوبہ شروع کیا : وزیر اعلیٰ سندھ

خواتین کے معاشی استحکام کیلئے انٹرن شپ منصوبہ شروع کیا : وزیر اعلیٰ سندھ

کراچی(آئی این پی ) وزیراعلی سندھ مراد علی شاہ نے کہا ہے کہ خواتین کے معاشی استحقام کے لیے انٹرن شپ منصوبہ شروع کیا، سندھ حکومت عوام کوبہترین سہولیات مہیا کرنے پرکام کررہی ہے، زرعی شعبے کی ترقی کے لیے انٹر پرائز ڈیولپمنٹ فنڈ قائم کیا،ہم زبردست قوم ہیں، ہمیں مل کرجدوجہد کرنا ہوگی، اگرمل کرجدوجہد کریں توہمیں کوئی نہیں روک سکتا۔تفصیلات کے مطابق وزیراعلی سندھ نے زرعی پائیدارترقی کانفرنس سے خطاب کرتے ہوئے کہا (بقیہ نمبر54صفحہ12پر )

کہ دنیا کوغربت، سماجی ترقی، موسمی تبدیلی، ماحولیاتی مسائل کا سامنا ہے۔مراد علی شاہ نے کہا کہ پائیدارترقی کے مقاصد پر193ممالک کے سربراہوں نے دستخط کیے تھے۔انہوں نے کہا کہ غربت کے خاتمے کے لیے 2008 میں بینظیرانکم سپورٹ پروگرام شروع کیا، آج تک لاکھوں لوگ اس پروگرام سے مستفید ہوچکے ہیں۔وزیراعلی سندھ نے کہا کہ سندھ حکومت عوام کوبہترین سہولیات مہیا کرنے پرکام کررہی ہے، سندھ حکومت نے پائیدارترقی کے مقاصد سپورٹ یونٹ قائم کیا، زرعی شعبے کی ترقی کے لیے انٹر پرائز ڈیولپمنٹ فنڈ قائم کیا۔مراد علی شاہ نے کہا کہ خواتین کے معاشی استحقام کے لیے انٹرن شپ منصوبہ شروع کیا، صحت، تعلیم و روڈ سیکٹرکی تعمیرپرسندھ حکومت نے کافی کام کیا۔انہوں نے کہا کہ یقین ہے پاکستان میں عوام کی بہبود کے لیے بڑے ذرائع موجود ہیں، ملک کی ترقی آپ نوجوانوں کے ہاتھوں میں ہے۔وزیراعلی سندھ نے کہا کہ ہم زبردست قوم ہیں، ہمیں مل کرجدوجہد کرنا ہوگی، اگرمل کرجدوجہد کریں توہمیں کوئی نہیں روک سکتا۔مراد علی شاہ نے کہا کہ ہمارا سب سے بڑا مسئلہ امن وامان کا تھا، دوسرا سب سے بڑا مسئلہ توانائی کا بحران تھا، یہی ہائبرڈ اکنامک وارفیئرہے جس میں ہم پھنسے ہوئے ہیں۔انہوں نے کہا کہ ہمارا ایک مسئلہ فیصلے لینے میں تاخیربھی ہے، حکومت وقت پرفیصلہ نہیں کرے گی تومسائل بڑھیں گے۔وزیراعلی سندھ نے کہا کہ ملکی مالی مسائل کا بڑھنا بھی فیصلوں میں تاخیرکی وجہ سے ہے، امن و امان کی صورت حال اب پورے ملک میں بہترین ہے۔

مراد علی شاہ

مزید : ملتان صفحہ آخر