وفاقی کابینہ کا اجلاس آج طلب  16 نکاتی ایجنڈے پرغور کیا جائیگا

وفاقی کابینہ کا اجلاس آج طلب  16 نکاتی ایجنڈے پرغور کیا جائیگا

  

  اسلام آباد (سٹاف رپورٹر) وزیراعظم عمران خان نے وفاقی کابینہ کا اجلاس (آج) طلب کرلیا ہے، جس میں براڈ شیٹ کمیشن کے سربراہ کی تنخواہ اورالاونسز کی منظوری دی جائے گی۔تفصیلات کے مطابق وزیراعظم عمران خان کی زیرصدارت وفاقی کابینہ کااجلاس منگل کو ہوگا، جس میں سولہ نکاتی ایجنڈے پرغور کیا جائے گا۔کابینہ براڈ شیٹ کمیشن کے سربراہ کی تنخواہ اورالاونسز کی منظوری دے گی جبکہ کابینہ سارک کوویڈ ایمرجنسی فنڈ میں رقم عطیہ کرنے اور اسٹیٹ بینک ترمیمی بل کی  منظوری  دی جائے گی۔اجلاس میں کابینہ کو اسلام آباد میٹرو بس منصوبے پر بریفنگ دی جائے گی جبکہ کابینہ اوورسیز اپملائنٹ پروموٹرز کو نئے لائسنس جاری کرنے کی منظوری اور میجرندیم انجم کیلییریٹائرمنٹ شق میں تبدیلی کی سمری کابینہ ایجنڈے میں شامل ہیں۔وفاقی کابینہ نیپرا اپیلٹ ٹربیونل میں ممبر فنانس تعینات کرنے کی منظوری، پاکستان انسٹیٹیوٹ آف ایجوکیشن بل 2021 کے مسودے کی منظوری دے گی۔فیڈرل ایم ٹی آئی آرڈیننس کے تحت بورڈ آف گورنرز کے ارکان کی تعیناتی، این ٹی ڈی سی کیمنیجنگ ڈائریکٹر کی تعیناتی کی منظوری ایجنڈے کا حصہ ہیں۔کابینہ لاہور ہائیکورٹ میں سلمان ادریس کی رٹ پٹیشن پروفاقی رائے پرغورکریگی، پی ایس کیو سی اے کے ڈپٹی ڈائریکٹر جنرل کی تعیناتی کے حوالے سے بھی فیصلہ کیا جائے گا۔وفاقی کابینہ اقتصادی رابطہ کمیٹی اور کابینہ کمیٹی توانائی کے فیصلوں کی توثیق کرے گی جبکہ سی پیک کمیٹی اجلاس کے فیصلوں کی توثیق کا بھی امکان ہے۔

وفاقی کابینہ

مزید :

صفحہ اول -