منگنی پر ہوائی فائرنگ، شاہین آفریدی کے بھائی مشکل میں پڑ گئے

منگنی پر ہوائی فائرنگ، شاہین آفریدی کے بھائی مشکل میں پڑ گئے
منگنی پر ہوائی فائرنگ، شاہین آفریدی کے بھائی مشکل میں پڑ گئے
سورس: Twitter

  

خیبر (ڈیلی پاکستان آن لائن)قومی کرکٹ ٹیم کے فاسٹ باؤلر شاہین شاہ آفریدی کی سابق کپتان شاہد آفریدی کی صاحبزادی سے نسبت طے پانے کے بعد منائے جانے والے جشن کے باعث شاہین آفریدی کے بھائی مشکل میں پھنس گئے۔

شاہین شاہ آفریدی کے بھائیوں اور کزنز  کی جانب سے منگنی کی خوشی میں لنڈی کوتل میں بھرپور ہوائی فائرنگ کی گئی جس سے پورے علاقے میں خوف و ہراس پھیل گیا۔شاہین آفریدی کے بھائیوں کی ہوائی فائرنگ کی ویڈیو بھی سامنے آچکی ہے جس کے بعد امکان ظاہر کیا جا رہا ہے کہ انہیں قانونی کارروائی کا سامنا کرنا پڑ سکتا ہے۔

نجی ٹی وی 92 نیوز کے مطابق شاہین آفریدی کے بھائی کا کہنا ہے کہ خوشی کے موقع پر ہوائی فائرنگ کوئی جرم نہیں ہے جبکہ ضلعی انتظامیہ کا کہنا ہے کہ قانون کے مطابق  کارروائی ہوسکتی ہے۔

دوسری جانب ویب سائٹ ٹرائبل نیوز نیٹ ورک  کے مطابق شاہین آفریدی کے بھائیوں یا کزنز کے خلاف تاحال کوئی ایکشن نہیں لیا گیا۔

مزید :

کھیل -