ایک لیٹر میں 1200کلومیٹر چلنے والی گاڑی

ہوسٹن ( بیورورپورٹ) آنسو کے قطرے کے مشابہہ تین پہیوں والی کار نے تیل و گیس کمپنی شیل کے تحت منعقد ہونے والا امریکن میراتھن مقابلہ جیت لیا۔ ہر سال منعقد ہونے والی اس دوڑ کا مقصد کم انرجی سے زیادہ چلنے والی گاڑیاں بنانا ہے اور یہ سب گاڑیاں طلبہ خود بناتے ہیں۔ اس بار دوڑ میں کامیاب ہونے والے کیوبک یونیورسٹی کے طلبہ نے ایسی گاڑی بنائی ہے جو تیز رفتاری کی وجہ سے پیدا ہونے والی فنی خرابیوں پر قابو پاتے ہوئے ایک گیلن میں 2824 میل کا سفر طے کر سکتی ہے۔ گاڑی کا پہلا عملی نمونہ نیویارک سے لاس اینجلس کا سفر طے کرکے پیش کیا گیا، جو ایک گلین سے بھی کم ایندھن سے طے ہو گیا۔ یہ میراتھن ہوسٹن میں منعقد ہوئی، جہاں ٹیموں نے دو درجاتی مقابلہ کرنا تھا، جس کا مطلب ہے کہ ایک تو گاڑی سے ایندھن کی بچت اور دوسرا مسافروں کے لئے زیادہ آرام دہ ہو۔ ان گاڑیوں کو چلانے کے لئے روایتی ایندھن یعنی ڈیزل، گیس، سولر اور بجلی وغیرہ کا استعمال کیا گیا ہے۔ اس میراتھن میں حصہ لینے والوں کو کئی دن تک ایک طے شدہ دائرہ کے کئی راﺅنڈز طے کرنا ہوتے ہیں اور منتظمین کی طرف سے جیتنے والی ٹیم کو 2ہزار ڈالر بطور انعام دیا جاتا ہے۔