کوئٹہ، نیب نے محکمہ خزانہ اور لوکل گورنمنٹ کا ریکارڈ قبضے میں لے لیا
کوئٹہ ( این این آئی ) نیب حکام نے فنانس اور لوکل گورنمنٹ کا ریکارڈ قبضے میں لے لیا جلد ہی مزید گرفتار یاں متوقع ہے تفصیلات کے مطابق اتوار کے روز چھٹی کے باوجود نیب حکام نے سول سیکرٹریٹ میں محکمہ فنانس اور لوکل گورنمنٹ کا ریکارڈ قبضے میں لے لیا ذرائع نے بتایا ہے کہ محکمہ فنانس اور لوکل گورنمنٹ کا ریکارڈ قبضے میں لینے کے بعد اس دونوں محکموں میں کتنی کرپشن اب تک ہوئی ہے معلوم ہونے کے بعد مزید آفسران کی گرفتار ی متوقع ہے ۔ محکمہ فنانس اور لوکل گورنمنٹ کے اعلیٰ افسروں نے ضمانت قبل از گرفتاری کرنے کا فیصلہ کیا ہے ۔ ذرائع نے دعویٰ کیا ہے کہ محکمہ فنانس اور لوکل گورنمنٹ کے علاوہ دوسرے محکموں کا بھی جلد ریکارڈ قبضے میں لے کر تحقیقات شروع کی جارہی ہے ۔ اعلیٰ فیسران نے گرفتاریوں سے بچنے کے لئے سیاسی اثر و سوخ استعمال کرنا شروع کردیا ہے اتوار کے روز چھٹی کے باوجود سیکرٹریٹ میں افیسران کی مصروفیات بہت زیادہ دیکھنے میں آئی ۔
