کراچی :جعلسازی سے شہریوں کو لوٹنے والا گروہ پکڑا گیا

کراچی :جعلسازی سے شہریوں کو لوٹنے والا گروہ پکڑا گیا

کراچی(اسٹاف رپورٹر)کراچی کے علاقے پریڈی میں پولیس نے کارروائی کر کے جعل سازی کر کے شہریوں کو لوٹنے والا ملزم گرفتار کرلیا ، کراچی کے علاقے پریڈی میں پولیس نے کارروائی کر کے ایک ملزم عتیق کو گرفتار کرلیا ۔ ایس ایس پی ساؤتھ ڈاکٹر فاروق کے مطابق گرفتار ملزم شہریوں کو سامان خریدنے کے بہانے لوٹا کرتا تھا ۔ گرفتار ملزم نے 50 موبائل فونز اور 10 لیپ ٹاپ شہریوں سے ہتھیانے کا اعتراف بھی کرلیا ہے ۔ گرفتار ملزم نے بی کام کر رکھا ہے ۔ گرفتار ملزم سے اسلحہ اور 2 موبائل فونز بھی برآمد ہوئے ہیں ۔ گرفتار ملزم عتیق کا کہنا ہے کہ بیروزگاری کی وجہ سے وارداتیں شروع کیں ۔ 6 سال سے مختلف شہروں میں دھوکا دے کر شہریوں سے لوٹ مار کرتا رہا ۔

مزید : کراچی صفحہ آخر