محمد یوسف نے افغان کرکٹ ٹیم کے ہیڈ کوچ کے عہدے کیلئے درخواست جمع کرادی

محمد یوسف نے افغان کرکٹ ٹیم کے ہیڈ کوچ کے عہدے کیلئے درخواست جمع کرادی
محمد یوسف نے افغان کرکٹ ٹیم کے ہیڈ کوچ کے عہدے کیلئے درخواست جمع کرادی

  

لاہور (مانیٹرنگ ڈیسک) لیجنڈ کرکٹر محمد یوسف نے افغان کرکٹ ٹیم کے ہیڈ کوچ کے عہدے کیلئے درخواست جمع کرادی ہے۔

نجی ٹی وی 92 نیوز کے مطابق پی سی بی کے چیف سلیکٹر انضمام الحق کے استعفیٰ دینے کے بعد افغان ٹیم کے ہیڈ کوچ کی آسامی تاحال خالی ہے جس پر بھرتی کیلئے افغان کرکٹ بورڈ نے خواہش مند امیدواروں سے درخواستیں طلب کی تھیں۔ پاکستان کے سابق ٹیسٹ کرکٹر محمد یوسف نے افغان کرکٹ ٹیم کی کوچنگ کیلئے بورڈ کو درخواست جمع کرادی ہے۔افغان کرکٹ بورڈ 27 مئی تک کوچنگ کی درخواستوں کا جائزہ لے گا اور اس کے بعد شارٹ لسٹڈ امیدواروں سے انٹرویو کیے جائیں گے۔

محمد یوسف کس ٹیم کے ساتھ اور کس عہدے پر براجمان ہیں؟ آپ بھی جانیے

واضح رہے کہ پی سی بی کے چیف سلیکٹر انضمام الحق افغان ٹیم کے ہیڈ کوچ کے طور پر 12 لاکھ روپے تنخواہ لے رہے تھے اور انہوں نے جذبہ حب الوطنی کے تحت افغان ٹیم کے ہیڈ کوچ کے عہدے سے مستعفی ہوکر 8 لاکھ روپے ماہانہ پر پی سی بی کے چیف سلیکٹر کا عہدہ قبول کیا تھا۔

مزید : کھیل